نجوم السما اقربلك/رائعة أيمن شتا مجلة روائع الشعر والنثر وفرسان الحرف

 نجوم_السمااقربلك

كلمات_ايمن_شتا 

نجوم السما اقربلك..

عشان ارجعلك يوم

انا عشت العمر بضحي..

وانت بتعتب وتلوم..

خلصت انا صبري عليك..

كنت بتزعل واراضيك

وتجيب الحق عليا..

 يلا معدش لزوم

دا نجوم السما اقربلك..

 عشان ارجعلك يوم

...

ضيعت العمر معاك..

 تغلط وانا اسامح فيك

تبعد وانا لسة معاك..

 ترجع وعايزني اراضيك

يا خسارة قلبي وحبي..

 ضيعت انا عمري عليك

بتجيب الحق عليا..

يلا معدش لزوم

دا نجوم السما اقربلك..

عشان ارجعلك يوم

...

طب شوف كدا حالي معاك..

 بالذمة كدا يرضيك

طب جرب تبقا مكاني..

 تلاقيني صعبت عليك

سبني وابعد يا اناني..

 وياريت تقدر تنساني

خلصت معاك احزاني..

 مبقتش هنفع ليك

طب شوف كدا حالي معاك..

بالذمة كدا يرضيك..

دا نجوم السما اقربلك..

 ان ارجع يوم واراضيك

...

ايمن شتا