طعم الحرمان/للشاعر وليد النميري مجلة روائع الشعر والنثر وفرسان الحرف

 @@@طعم الحرمان@@@

طعم الحرمان نساني النوم@

عمر النسيان ما دواني في يوم @

وان قولت نسيت ابقى موهوم@

المر في كاسي بشربو مختوم@

 بتمر ساعات وانا ملهي صحيح@

وارسم بسمات وانا قلبي جريح@

ويعدي نهاري كده تفاريح@

ولقلعة احزاني بتاخدني الريح@

ويجيني الليل بعذاب وهموم@

افكار بتاخدني شمال ويمين@

واحساس بيدوب شوقي حنين@

ومشاعر تايهه تروح علي فين@

ويصعب عليا قلبي المسكين@

وفي بحر الحلم باغرق واعوم@

ويسبيني الليل بعد ما يقتلني@

ويجيني نهاري من الوحدة بيشيلني@

دي الوحدة مرار وانا مين يرحمني@

طب اعمل ايه حد يفهمني @

ليه ارجع  تاني في ليلي محروم @

مهما راح اشكي ما في حد بيسمع@

دموعي علي خدي نازله بتولع@

دي النار للي ماسكها بس بتوجع@

عمري المسروق مش ممكن يرجع@

اتمني ان اسايه ده مايدوم@

والناس تسالني ايه ناقصك ايه@

ما انت واكل شارب تتبطر ليه@

واديك اهو عايش طب عايز ايه@

قولي ايه مش عندك تبكي عليه@

 باضحك من غلبي وانا مصدوم@

واداري واخبي احساسي المحروم@

لو عاشو مكاني ما يشوفو النوم@

لو داقو حرماني ما يستحملو لوم@

ويلاقو العمر ضايع معدوم@

ويحسو ساعتها اننا مظلوم@

طعم الحرمان نساني النوم@

وعمر النسيان ما دواني في يوم@

تحياتي 

وليد النميري