- مش هستسمح ولا اترجى -
فى قلبى شايل اسرارى وكاتم فى الحشا نارى
وبسأل النسيم عنه يكون شافوه ومش دارى
بقلبى وحرقته والامى وشغلت بالى من عدمه
ومستنظر يجى بقدمه لقلب فاضى ليه وخالى
تعالى لقلبى تعالى بلاش على قلبى تتعالى
دلال ادللى بكيفك دلالك عندى دا غالى
دا انا اللى بنتظر طيفك يجينى لو فى خيالى
وبستنظر يوم اشوفك وشغلالى كثير بالى
يا ست الكل يا زهرة فى بستانك ومش ظاهرة
وليه محبوسه المهره وحارمه ليه خيالك
بتتعالى ؟؟ طب اتعالى وصبرى هيكون العالى
مسير الأيام تجيبك لحبيبك وتترجى
ساعتها مش هبوس ايدك هسيبك منى تتشكى
واترك قلبى يتألم ولو ينطق ويتكلم
هسيبه عشان يتعلم معدش يحب من تانى
واعيش العمر على الذكرى ولو بكرة فيه اعدامى
مش هستسمح ولا اترجى
- بقلم محمد البلاط
ليست هناك تعليقات:
إرسال تعليق