★قصيدة /حلمى الحلال
صوت نداك عز البعاد
زى صوت آذان النور
وسط الجموع
كل التايهين والمحرومين يتجمعوا
بإشارة واحدة بهمستك
حى على الحياة
جواها آه
علي كل روح متبعترة
صوتك جميل زى النغم
نَفَس إبتهالك من غناه
شد القلوب للعشق فيك
الله على روحك كمان
ماتقولش غير زى الملاك
محلا الحياة دايما معاك
جواها رغم الضلمة نور
ضى وقمر
شمس ونجوم
أما عينيك الصافية دول
نهر وخليج
آه من ضجيج قلبى ف حضورك
هو أنت ليه بتهزنى
هو أنت ليه محتلنى
مع كل دا..دايما بقول
إن أنت أجمل إحتلال
حلمى الحلال....
وأنا طوفت فيه....
أميرة مهران
ليست هناك تعليقات:
إرسال تعليق