ارجع!!! ٢١٧
وقلب ديواني ال ملوش اسم
من غير رسم ولا عنوان...
حرت الحذف لكام فدان
واقفه مدنه حرفي حزينة.
.نسيت كل حروف لأدان
وقالت توووووت
عمرك عشت ف بطن الموت!
زي ما يونس عاش ف الحوت
نادي يارب وعلي الصوت.
وكن فيكون
رب القدره والملكوت
حفظه بحفظة وكان ف الصون
بس انا شايف هناك اهو جاي
وحي بحرفه ماسك ناي.
عزفه حزين
كنت مجهز للموازين
علي كام بحر بيجري وشاقق. للجرانين
همس همسلي. كون يارزين.
ليه تتحزم وبتتقزم. ومين مش مين.!
عايز تفرح. عايز ترقص!
عايز كورس. يرد امين!
.آه ياحزين!
لما القول بيكون مش قولك
ناسي لعرضك وجاهل طولك
جايب اخرك. وده مفعولك
هاتكون مين!
حتي الخوف مبقاش من غولك
سنانك ضعفت ادام فولك
تبقي غويت تلعب ف الطين
وترجع تاني تجري بشورتك
ترسم قط يزين علي اورتك
تروح تتنطط ف المراجيح
تلعب عنكب وتروح تركب
وبتتناسا صلاه تراويح .
تصيبك فزعه. شورتك راخر نابة المزعة
وبقيت عره من المفاضيح...
.آه يافصيح
عاوز تعمل وصله مديح
وتشوف نفسك ف التلقيح
تكتب حرف. سهمه يسمم
...لا مره اتوضي. ولا اتيمم
شاطر تجري. تروح تتعمم.
تخضر عمه . و من الدراويش
تكتب حرف تسميه شحات
لجل مايكبر. وانه يعيش
روح ماتجيش. خلي كسوفك مايجليش
ازاي تلبس توب مش توبك
وتلون حرفك الوان
سلعه رخيصه شاغله رصيف
داقت الرف ف كام دكان.
عايز ترجع. زي زمان
لما كان حرفك عكاز
عز الضلمه ف لمبه جاز....
قال الحق وكان ينحاز
كسبان نفسه.
حتي بنظره غل اهو فاز.
ارجع تاني زي زمان
وقت ماكانت الدنيا امان
وكانت الضحكه مخاويه خدودك
حاول . ترجع تاني انسان
يلا يامان
حاول ترجع!
ليست هناك تعليقات:
إرسال تعليق