شخابيط! ٢١٤
وصفحة واتكتب شخابيط
ومسحت الكتوبه خلاص
انا طيب ما عمري عبيط
فارد طولي وماكنت انصاص
صحيح الفكر له ريحة
معتق ف رحم بلاص
يناديني ياخي حاسب
وفرق بين دهب ورصاص
بتحط القشره ع دماغك
وميزانك ليه مش حساس
آخر زمرك جازاته تيت
وشارب م الكعان كام كاس
وليه ف حيره متكلفت
تكونش زي مانت عبيط!
تطبخ وطبختك سودة
نارك هاديه لكن بتشيط
وريك ف الحنان بالغمر
وناسي الري بالتنقيط
ودمك حر وحرارتة
تندم ان انت بديت
صحيح واضح ع مسالم
صحيح فكرك قريب وبسيط
وايه فايده ادان مالطا
ف وسط خلق عايزه وسيط
تفك الخط باالنيه
ولسه تفسرك شخابيط
بنيت بالحب يوم حيطك
ولاشفعت سيره او سيط
بتبني تعلي ف المعبد
تيجي زعابيب بسهم حويط
تهد بجد في دروبك
بقول فاضي حاوي كام كيت
روح سلم ربنا امرك
مفيش غيره اليك عاصم
ولو اعلي جبل ليه آويت
ليست هناك تعليقات:
إرسال تعليق