عشم! ٢١٨
وبكتب كل يوم لحروف
وقابل ف القهاوي ضيوف
وادادي الحرف واراوده
وقول عنه كلام موصوف
وعلق قولي ف رقبته
وطمعي وعشمي ف طيبته
واقابله واخده بالاحضان
ولو بينا مفيش لميعاد
عشمي قاتلني ف طيبته
ولو صدفه وما رتبته
يباكتني ويعاتبني
وليه ف غيابي تكتبني
وتحط القول ع لساني
ماتنساني
وبلاش تنده تقول ياابني
مانت ساعت تجافيني
اكون محتاج تدفيني
انام والدمع ع خدي
يعز دواك مايشفيني
تصالحني هاكون طوعك
واكون كوعك واكون بوعك
واكون الحلو ف اللقمة
واكون الستر ف جوعك
وتكتبني اروح راسم
وفكري معاك وليه قاسم
وافرح بس فرحني
وكون سندي وكمان ضهري
بلاش البعد جرحني
ورجع الحياه لنهري
أنا منك ...قرار حاسم
و خليني من بعيد اشوفك
وبيك اسعد واكون باسم
ليست هناك تعليقات:
إرسال تعليق