( طمنيني. )٢١٦
طب مره هاودي وفهميني
ملكاني الحيره وملكت
بس مره تسمعيني
نفسي مره القاها سلكت
انت راحه ولا جاية
شايله هم دون حواية
علتي انت ودوايا
رغم أن الخطاوي هلكت
طمنيني..
ايه النوايا
. القلق ساكن ف جوفي
جه وزاد الخوف لخوفي....
نفسي يفرح بيك شوفي
بس شوفي!
توهت منك ..
وسط الف سور وسور
ميت قمر والدنيا نور
والخيال كدب وزور
.والعيون لامحه لننك
وجي ضيك جوا عيني
طمنيني
انت بصة انهي ناحية
انهي نجع وانهي ضاحية
فكر راح بعيد وشارد
شك سابق كل وارد
وتاه حنيني
طمنيني....
حسسيني أن انت صاحية
والكبر ماغزاش لسنك
تكتبي كلمة و ماحية
الغراب عشش ف بنك
والقلق بيزيد لانك
بخله أن تطمنيني...
ماشي بتلفت ورايا
انت مش شمه لهوايا
تبقي راحه القاك جايا
خايله سكنت ف سنيني
طمنيني
أنا خيطك ف قماشك
انا كنزك و أنا كاشك
أيه ال نابك ايه ال حاشك
يالي صورتك ساكنه چيني
طمنيني.!!!
ليست هناك تعليقات:
إرسال تعليق