اثبت بقى (٢١٣)
سقف بيتنا اللي ساترنا
شقق و.. صابه الوهن؟
كان خوتنا أنه محاوطنا
و انه باقي ماترهن
شقق وصابه كتير جروح
وحديده باين.. اتهلك
كان ف يوم صالب لحيله
واللي شايله كان ملك
بس يا خسارة.. الشقوق
عششت.. ف السقف فوق
وكنت انادي أقوله: "فوق"
خوف ركبني والقلق
كنت يوم.. أنت الساتر
كنت وش الحر شاطر
ايه ال نابك ايه فرق
كنت فاكرك ليا باقي
كان امان جواك بلاقي
لوغدر صابك او سلك
فجأه شفتك .. هش قش؟
عز جدي.. القاك مفش
تخر وعَ نفسك.. تشر
كنت مبني ليه بغش
او حد علي بابك طرق
من هزة واحدة تزلزلك
لو ريح ف ثانية تعزلك
بعد ما كنت بهيبة هايل
جملك بحمله ليه برك
كنت يوم للهم شايل..
كنت حافظ الجمايل
كنت ليا.. مكان مقدس
وادعي لرب الفلق
كان بابك عالي ومشرع
ليك مقام..وماحد طايل
كان دفاك ضله ومفرع
ماتشد حيلك.. ليه ترك؟
إيه جرى؟.. إيه يا ترى؟
نوات وجره لدحدرة
وغرزت ف وحل البرك
كنت بغني: "يا سقفنا"
كنت بسقف للحيطان
كنت بقول: "بتضمنا"
وأنا لسه في طور العلق
اصمد.. ونشف للعصب
جواك حديد.. ولا قصب؟
أنا كنت شايفك كل يوم
بتقول: "أنا.. وكمان أنا"
كنت تباهي بالحسب
وكنت أنا
أنا كنت فرحان بالنسب
اثبت بقى!!!
ليست هناك تعليقات:
إرسال تعليق