( النصيب ) ٧٦
مش هاقوله ..الحقيقه
ولااحكي حاجات مسيئه
مش هاقوله.. ان ابوك
راح وباع
وللشيطان طاوعه واطاع
وسبني وحدي وسط ضيقه
مش هاقوله ع ال فيك
شر كان او كان يعيب
راح اقوله الله يسهله
كل شئ قسمه ونصيب
واخبي وشوف طريقه
لما يسألني بابا فين
هابقي اقوله بابا سافر
بس احتمال انه يغيب
مش هاقوله فيا عاب
وسابني تنهشني الكلاب
وسط ضلمه وقلب غاب
راح اقوله كان حبيب
حته مني وكان قريب
بس يابني مفيش نصيب
كنت ليه غزاله ورده
والحكايه كات ماورده
كان يقين ومفيش لريب
وان كات دنيتنا جنه
ورد فيها وتمر حنه
خاليه م ضبع وديب
وان يوم المكر حاطني
وسط ضلمه راح وشاطني
وانت لسه لحمه حمرا
وانت ساكن قلب باطني
جه الزمن زارانا. بخيب
مش هاقوله غير نصيب
راح اسيبه يشوف بعينه
راح اسيبه... يحس قلبه
وهو الله يصبر... يعينه
ربه ليه ... فرجه قريب
ومش هااقوله
غير نصيب.!!!
ليست هناك تعليقات:
إرسال تعليق