مكبل..!!! ٧٤
مسكو أيدي وكتبوني
لحروف مش هي قولي
لونو عقلي بلاموني
قزموا عرضي و طولي
كسروا فاسي عطبوا نولي
نومي بقي وحشه فراشي
وقالو اكتب حب ماشي
او خليك واد رومانسي
هو انت مش زي غيرك
ولا مخلوق وحدك ماانسي
يابني هاود... ولا عاود
يابني انت محذوف ومنسي
امشي وامسك الشمال
ولا احدف شويه عكسي
انت لا بس توب وواسع
انت لاسع...!!!
ده انت واد..عريان مامكسي
اتعلم الطبله وطبل
قول ...وعرض
ولاغرد. وابقي... هبل
ولما يعدي الشمال امامك
ابقي غمض... ولا سبل
انت اكيد الوهم راكبك
ولا يكون.. عقلك مخبل
بس شوف لو ريح شديده
عافيه ومعانده وعنيده
اجري وامسك للحديده
جعر ارقص وابقي..نبل
تبقي واد مش م الهافيه
اركب الموجه العافيه
والزم الصمت وكبل
....وبرقلي!!!
ليست هناك تعليقات:
إرسال تعليق