برجسه!!! .٧٩
حضنت الشوق وغاب عني
وراح يجري وبيبرجس
راجع جايب معاه الشوك
وانا محضر ليه النرجس
زرعت ف ارض مش ارضي
وسقيت كل الجروح بالدمع
لقيت راجع صدي صوتي
وراح نافخ يطفي الشمع
انا محتار فقدت الشوف
فقدت السمع
انا عايش مخاوي القمع
صاحبني الخوف ومتوجس
ولسه ع الطريق ماشي
ومش رجلي ال شداني
انا جي و هنا بخاطري
ومين جابني ووداني
وع خبري كافي ماجور
ومين مكري ان يمحيني
ومتسلط وكمان مأجور
انا ديما صفحتي بيضه
وع الفطره وف الروضه
ومين عاقد لنيه يجور
وسطور ومسطره الصفحه
احاول اكتب فيها سطرين
واكتب فرحه وبعوده
وارسم بعدها ورده
وكام نقطه ومحدوده
وادور ع السعاده هناك
واراود نفس مخضوضه
وازعق ف الصحاري يارب
ترد الكلمه مردوده
واحاسب نفسي واسالها
ما كنتي يوم ف اول سطر
وكنت هناك وموجوده
ومين جابك تشربي م بير
كل عيونه مسدوده
لايوم شفته روي عطشان
ولا بل الريق لبعوضه
ناشف وماعاد فيه بقايا
لناس بالفرحه موعوده
يتبل ريقها وتكمل
املها بشوق ومشدوده
ليست هناك تعليقات:
إرسال تعليق