من جوه القلب
.....................
امتى يارب الدعوه تجوز
بندعى عليهم ليل ونهار
وبنتحسبن
ولا بيحوق
ولا بيجوز
إحنا بنحلم
ولا راكبنا يا خلق كابوس
..
اى كلام فاضي
بيلهينا
عمك ماكرون
بيزور سينا
عجبوا الرقص
وكان مهووس
..
بعد عبورنا
بيعينا مضينا
على واحده ونص
اتريبنا
واحده لفيفى
ونص لدينا
إحنا عملنا
البحر طحينه
وبكرا نبيع لك
برج القوس
..
كابتن زيزو
مضى للاهلى
وقال فتفوته
لبابا واهلى
المحظوظ
إبن المحظوظ
وجاب كراكه
تعبى فلوس
..
تطلع تنزل
تعرق تتعب
تعمل حتى
فرقع لوز
إللى بيكسب
بدلة رقص
وهزة وسط
وشورت وشوز
مش تعليم
ومكن وتروس
..
مين يااخونا
بيلعب فينا
وايده
ف جيبنا
كل ما نمشي
يرجع بينا
مره يجبنا
وف 60
داهيه يودينا
وغصبن عنا
وابونا يعجبنا
ومش هنلاقى
حتى غموس
يرضي البنك يعلي السوسو
واللى هيفتح بؤه يدوسو
والمنحوس يفضل منحوس
..
والانجاز بيجيب إنجاز
وعشان تطبخ ف البوتاجاز
وماتبقاش دايمن مفروس
زود فى البنزين والغاز
وماتسمعشى كلام الناس
صدق بس الديهى والباز
واسكت ياد ياابن الفرطوس
..
إحنا بدئنا بلم الفكه
وكان الهم نلم فلوس
وقالوا علينا الناس السكا
بخر وارقي ف المحروس
إحنا نسينا ياعم السكه
اتلم الخايب ع المتعوس
..
شعب بيرضى يعيش بقاليلو
وزى ما قال البنك اديلو
تكه ف تكه ياخدها لبوس
كل بلاوي الدنيا تجيلو
ولما بيغرز برده يدوس
خبطه تحطو وخبطه تشيلو
ف علم الخيبه بيدى دروس
مسحوا الحلم وهدوا ف حيلو
وعادى هيرضى يعيش بلبوص
محمد وحيد
ليست هناك تعليقات:
إرسال تعليق