حنفي!!! ٧٧
قولت مالك ... ردت مليش!!!
قولت هاتي.... قالت مفيش
قولت طب طلباتك ايه!!!
قولها صدمه مش هاعيش!!!
قولت انا داير ف ساقيه
وانت ع العشره ماباقيه
آكلي ف نجيله وحشيش
توبي داب ومفيش لهدمه
وانت فوق حياتي رادمه
وراضي من الستر بخيش
انت ايه عايزه قوليلي!!!
دون فضيحه...
وياريت بشويش!!!
صوتها كان عالي ومجلجل
واللسان. يضرب يزلزل
قولت بس خلاص هاتنزل
واشتريني..انا عايز اعيش
قبضي كله جاي ف حجر ك
ملح ملح ما شوفت شوجرك
وده جزاتي وهو أجرك
عين مفتح وعين مغمض
وان نمت. ماآمن. لغدرك
نوم مفنجل دون رميش
ياست انا راضي بقليلي
تعبت لما اتهد حيلي
واهوه وصلنا للدشيش
نفسي مره ارم عضمي
الورم ماسك ف أدمي
نفسي مره... اشم ريش
نفسي اغير ..بس مره
من فول... لجبنه قريش
بصت بعينها... الف بصه
قاعده بتحش ف خصه
منكوشه ..ويومها اسود
ومش بس اسود.!!!
لاء ...بقصه
كلمه دبش وبيها طسه
وخايف م كلمه تطيش
والكلام يعدي. لحدوده
والشيطان يبعت قروده
وهب. نوصل للطيش
نفسي مره لتعبي انسي
والهموم تروح ف كنسه
حتي لوالمنقوع... براطيش
بس بدعي ربي يستر
واترحم من قول مفيش
وتعرف اني جبت اخري
وازعق من قلبي وجعر!!!
....آه يا املي
نفسي اعيش
وااااااه يابه ياوسطييييييي
ليست هناك تعليقات:
إرسال تعليق