ليه ؟
بقلمى / عبدالناصر عياط
ليه بقى حالنا كده
كل حاجة فينا اتبدلت
أجمل ما فينا مات
ليه نفوسنا اتغيرت
فين الأدب وابن الأصول
فين الرجولة مين الغيور
أخلاقنا ليه صبحت عدم
صاحب المبادئ اتظلم
والابن جاحد وناكر
عاق لأبوه فاكر أنه شاطر
والأخ فين ولاحد فاكر
فين الأخوة بتاع زمان
فين السند فين الأمان
الاب ليه أصبح مهان
والأم تاه منها الحنان
والزوجة فين الإحترام
ليه مش بتسمع الكلام
والبنت غاب عنها الأدب
فين الحياء مين السبب
زمنا محتاج موجة غضب
أيام غريبة فيها العجب
الأهل ليه يبعدوا فين الأحباب
أرحام يتقابلوا كما الأغراب
ليه الصحاب مبقوش صحاب
فى الشدة وحدى والكل غاب
فى ناس عايشة تستفيد
بتمد ليها ألف ايد
وفى شدتك الكل يهرب
ما عنده دم فى الوريد
ساعتها بس عمل عبيط
واخبط راسك فى الحديد
وبنقول يا رب الرضا
ييجى ازاى واحنا كده
لازم نغير نفسنا
ودينا يبقى حكمنا
ونختشى على دمنا
لازم نسامح بعضنا
ونرجع كلنا لربنا
ليست هناك تعليقات:
إرسال تعليق