امة غثاء السيل/د طارق النجدي مجلة روائع الشعر والنثر وفرسان الحرف

 أمة غثاء السيل

دق أجراس البداية 

ما  النهاية عرفتها ..

صحِّى اللى نايم ف العسل 

أمة "غثاء السيل "..كفاية ..

نوم ف العسل ..

نقص الآدان..كلمتين ..

قالهم زمان ..صلاح ..و بيبرس 

قالهم كمان ..المعتصم .

قولهم يا شيخنا ..مش حرام 

عاد التتار ..ويا الصليب 

سَدّوا المنافذ ..كل باب 

عشنا ..و مشينا ..تحت التراب 

كالضب فى جزيرة العرب..

غزة الأسيرة..صرخت ..وقالت :

ابعت لى شاش ..ابعت لى قطن 

ابعت لى حصن ..يضمنى 

ابعت لى قبر ..يلمنى ..

فاتت سنة ..

مستنى إيه ..مستنى أموت 

ما شبعت  موت ..

دمى اللى سال قدام عينيك 

ابنى اللى مات ما بين ايديك 

انا لسة ..اختك ..

الدم دمك ..الهم همك 

اليوم عليا ..بكره عليك ..

معقولة .مش شايفة عينيك 

طب خد عيونى ..شوفنى بيهم ..

شبعت موت ..

غزة الجريحة ..بتندهك

مات اللى مات ....أهو مات شهيد 

خلاص ما فيش ..عايزة أعيش .

الروم ..معاهم الأمريكان..

كلب اليهود..فى الاقصى..غنّى

راجعين يا خيبر....!؟

وانت اللى ساكت ...

خايف ..جبان ..

يا مسلمين..يا موحدين ..

ملعونة غزة فى الكتاب ..

مشطوبة من كتب التاريخ..

دير ياسين ...واحمد ياسين..

صابرا وشاتيلا ..كفر قاسم  

رفح ..جنين ..

وكل يوم فيه مذبحة ..

وأخويا ماسك ..مسبحة ..!!

بيعِد ..شهداء المذبحة ..

كل اللى قالوا ..البسملة ..والحوقلة 

زي الصبايا المجروحين..!

دُقْ أجراس النهاية ..

الريح بتجرف...والروم بتغرف 

مستنى إيه ..مستنى أموت ..

ما شبعنا موت ... وما فيش عزا 

و ما فيش رجال ..تاخذ العزا..!!

أمة "غثاء السيل"...

متكلمة..عبري فصيح ..

شالوم ..يا خنازير الخليج 

شالوم ...يا خرفان الجزيرة 

شالوم ..يا كل المسلمين 

شالوم ..يا مصر ..

ناسية يا مصر ..

كلب الصهاينة 

و  سينا ..يوم الدبابات ..!!

يا أمة عاشقة للآهات..

يا ليل ..يا عين 

مُتَفرّجة..مُتَبرّجة ..

فيها الخطوط ..مُتَعرّجة .

دقت الساعة ..كفاية 

دقت رفح ..جرس  النهاية 

مستنى إيه ...؟!

المهدي ..واللا ..مسيحنا المنتظر ..