اصحوا شوية يا بنى آدمين
بقلمى الحزين / عبدالناصر عياط مصر -اسيوط
ياناس قولولى انا منين وفهمونى أنا فين ؟
انا واحد أصلا من الناس ! أنا واحد من البنى آدمين.!؟
معقول عايش بوش واحد وكل واحد له وشين!
يمكن اكتر من وشين الكل بيلعب على الجانبين.
ليه عايش وحدى وخايف وكل الباقى مش خايفين.
شايل هم الدنيا وماشى وناس كتير مش شايلين
تشترى اى حاجة بفلوسها ، ليها نفوذها وناس كتير شايلة الطين .
الدنيا مليانة غلابة وناس شقيانة وناس تانية ولا حاسين
للدرجة دى فيه ناس قاسية وناس بتبيع العشرة ف ثانية
وسواد ساكن جوة قلوب وأغلى أصحاب صبحوا خاينين .
فين الأخوة ، فين النخوة ، طب والدم بيجرى فى مين .
ناس من الفرحة دموعها بتنزل وناس مطحونة قلوبها حزينة ودموع جفت جوة العين .
ليه وجوهنا بقيت كشرة قدام ناس محتاجة اللقمة حتة كسرة
قولولى انا مين ، انا فين عايش اللى انا شايفه ناس تانيين مش بنى آدمين
ليه الخيانة عند الناس صبحت عادة ولافارق معاها سنين
والله انا قلبى حزين
أحلامنا صبحت كوابيس كل آمالنا بقيت عادى بس نبقى مستورين .
جوايا خير ، جوايا حب ؛ والله من غير تفسير بس القادم شكله خطير والناس محتاجة لتغيير .
بأحن للدنيا الصافية وفعلا جوايا حنين .
ليه ضاع جوانا الدين
فين الصفا والقلب الطيب وقريبى لو يبقى قُرَيب وصاحبى لخاطرى بيطيب
اصحوا شوية يا بنى ادمين
اصحوا شوية يا بنى ادمين
ليست هناك تعليقات:
إرسال تعليق