يا سحاب يا مسافر/د طارق النجدي مجلة روائع الشعر والنثر وفرسان الحرف

 يا سحاب يا مسافر ..خذني معاك

على غزة الحرة ..و سيبنى هناك 

عدينى حدود أم الدنيا ..خدنى ف ثانية 

خبينى من عين الجبناء..و دارينى وراك 

يا سحاب يا مسافر ..سلًم لى ..

على حيفا .ويافا ..و خليل ..وجنين 

مطّر على تل التفاح ..

قول يا رفح ..الموت طفح ..

سامحيني يا أماه ..

قطر الشهداء عدى و فاتنى ..

لكن اللقا ..مش ح يفوتنى..

الدم بيغلى ف وريدى.

منعونى...كتفوا إيدى ...

ما فيش أوامر ...غير السكات..

لا تروح ..ولا تيجى...

صمت ..استراتيجى ..,!!

يا سحاب يا مسافر سلّم لى

على أهل جنين..عطّر لاهيا .. وتل التفاح 

ميّل واستنى..ده طريق حطين ..

مكتوب ع اليافطة ..ده كان شارع 

يا صلاح الدين ..مسحوه م  الخارطة 

بيفكرهم...بأيام الذل ..

يا صباح الفل ...يا شجاعية...يا ام الأبطال 

الدرة ..ياسين ..و الله يا صابرة ..

ما احنا الناسيين..

يا سحاب يا مسافر ...مطّر حبة ..رشة ميه 

اغسل عارهم ...قول ..فكّرهم..

غزة مش أرض ..ح نهجرها..ولا سجن كبير 

غزة ..أمك ..وأختك...الشرف ...العرض 

لو ناسي ف يوم إنك عربى ..

جدك حمزة ..وعبيدة...صلاح ..

مش ماركو ..و طونى ..وجو ..و ترامب. 

غزة  الفكرة ...و شرف بكرة ..

بستان شهداء ..لسه بتطرح ف ترابها ..رجال 

شجر الزيتون .. عطشان للدم ..

عِد الشهداء .. طوابير. ..ألوفات..

ماشية لبكره ...و ليوم الدين ..

مستنى المهدي ...و اللا الدجال ..؟! 

ما خلاص ظهروا ..رؤساء ..وملوك 

أمراء ..صعلوك ..و قطط حلوة ..

خايفة من الديب ...كاوبوي ..رامبو ..

قاعدين جنبه ..خرفان للبيع ..

صقر العرب ..بقى حمل وديع 

أرضه بيبيع..عرضه ..و بيبيع 

و الثمن .. الذل ...هوان .. وركوع..

مين اللى غيّر دمهم ..

مين اللى خلى همهم ..فى بطنهم 

مين اللى خلاهم...خشب ..شايلين سلاح 

من إمتى اخوك ..قدام عينيك ..دمه يسيل 

وانت معاك البندقية ..عاملها ..ناي ..

بتغنى إيه ..تمام يا افندم ..!!

ميت ألف ماتوا ...و التأر و فدية أهلنا 

شاحنات ..و شاش وقطن ..

ميت ألف جرحى ..،!!

سيبهم يموتوا ..بلاڜ قرف ..

يلعن أبوك ..و يوم كبرت ..بقيت خروف

.......

يا أهل العروبة الغائبة..المستغربة ..المستعربة 

فين الفريضة ..الغائبة ..

ملايين ..صفوف ..بتحج..و تصلى ...تصوم 

خرفان بلحية ..و غطرة بيضا 

يا ليلة سودا .. ع الرجال..صبحوا .. حريم 

البنت عريانة ..بتصرخ ..

و الطفل ياكل فى التراب ...

......

يا غزة ...لا ...لا تغفري 

يا غزة ...لا تستغفري ..

كل الذنوب لها شفاعة..

ولا شفاعة ..للتيوس 

لا عزاء للرجال ..باعوا الشرف..

على باب .' بايدن"   تدق الكفوف 

رحماك .. خذنا يا ..ملك ..

النفط لك ..و الغاز لك ..و الأرض لك..

نحن البضاعة ...رضاك ..نرجو يا ملك 

نحن الذينا..سكنوا الجزيرة ..

ها قد قتلنا الأولياء ..

و الوضوء ..خمر الزلال ....

والحج فى كعبة واشنطن...

أرضى عنا يا ملك ..

نسينا حي على الفلاح ...

و شطبنا حي على الجهاد ...

و سكبنا زمزم ...

أرضى عنا ..يا إمام ...

.....

يا سحاب يا مسافر ..كلمنى..

يا سحاب يا مسافر ..سلم ..لى 

على غزة ..ويافا ..و علمنى ..

آخر الأخبار 

طبرق ..،7-2924