( حصان بري )٥٠٨
حصان بري مايتروض
ولا بيتساق ولا اتعود
ان يد تمسك للجامه
لكن ديما باصاص فوق
ولبكره يبص قدامه
لايعرف لضهره سرج
لايتحمل يشيل لخرج
حافظ دربه ولا محود
ماهو بري حابب براح
لخياله آني لصراح
وكل صباح
يقول يارب ارزقني
ويسعي. وارض ربنا واسعه
ولاكان ليه ف يوم سايس
ولا مره ف لقمته حايس
حامد ربنا وشكره
وطول عمره يكون دايس
علي لجامه ولا شافه
ولا حبل اتحط لكتافه
ولامنافق ولا بايس
وعمره كله صحراوي
ومره يكون من قبلي
ومره يبقي بحراوي
لكن ف الأصل اكيد بري
و ف قوته مايوم لايص
حافظ لكل تباتها
وكام حبايه اخضرت
وعارف للريح وهباتها
حافظ لكل رملايه
وعادد كل حباتها
وهنا شجره وايه نباتها
ولو رجليه تغوص ف الرمل
بحرفه محافظه لثباتها
ذكاء فطري ما اصله حصان
ومتأصل جواه و مصان
وطول عمره كاره للجبر
لكن عايش ف ارض الله
ومتربي ف جبال الصبر
ليست هناك تعليقات:
إرسال تعليق