(قديم للبيع )٥٠١
واديني اتبعت ...بالكيلو وبالحته
وجبرت.بح ...
وابوا عشره ...مشي بسته
ده كان فاضل ... حاجات مني
وكنت شايلها...عشان..بكره
واهي اتباعت
ونسيت اخدلها صوره
واهي تفضلي للذكري
مشيت ف السوق
اشوف صنفي
وبدور.. وبقلب
لقيت الصنف متعلب
وكله... غش
وطبع الزور متغلب
مش نفس الوش
وصور محطوطه ع العلبه
شبه كائنات ...تشوفها تكش
ومش هيا
مرار ف مرار...وحلوها مش
ويامهون.ده خلق خرده متكون
ده صنف جيد وله ريحه
وصلاحيه... لطول العمر
وده سئ... وله فضيحه
شارب للخمر
وده ولا ركعه ...وتسبيحه
وغاوي الزمر
وده اصله خسيس
ومنتهي الصلاحية
وده صنف رخيص
ومتعبي ومتخبي
وكمين ف الكيس
وده عايب... وده سايب
وده بيعه وبالكيلوا...وعبيلوا
وبقلب دوخت... مش لاقي
لا نفس الصنف... ولا نفس الطعم
ونفس اللون ...منيش لاقي
لقيت واحد ... معاه باقي
شويه مني ... وحافظهم
ومخبيهم ... بكام ياعم
راح قالي
مش للبيع .....مخليهم
ليست هناك تعليقات:
إرسال تعليق