(حاجات )٤٩٦
طب روح...وهات
كل.الحاجات
هات معاك لكل يوم
حد كان او يوم تلات
هات لكل ال راح و فات
وكل ساعه كانت معاك
هات هواياوالحكايا
والحدوته والصفات
وهات كمان ضحكه وسلام
ال كانت. ع الورق
وال نجي من الغرق
وفوق. الالم. طفي و عام
مش خلاص خلص الكلام
هات بقي
هات شوقي ليك.. يوم لقي
ودمعه لمعت خليك هنا
مش كنت بتقولي انا!!!
بقيت ف حيره... مين جنا
كان وعدي اعديك القنا
بس راح و الوقت فات
كله راح كله ومات
وباقي دمع وذكريات
طب يله هات
وفتش في قلبك كده
هات كل دقه دقلي
ومن شوقه مره حنلي
هات كل. آسف واتحقلي
ولهفه..وانا بقولك سلام
هات كل شوق
وكل نظره دون كلام
ياريتو... دام
كنت تقول سمعني صوتك
وغرد قبل مانام
ياسلام.... ماتجيب بقي
انا ليا عندك. كتير كتير
وال شوفته وال سمعته
ودني ليه ما مصدقه
من غير سلااام!!!
ليست هناك تعليقات:
إرسال تعليق