#المسحراتي #في #غزة
مسحراتي منقراتي
يدق على طبلة ايقاعها حزين
مسحراتي منقراتي
سامع شجن صوته
زاد الكلام تلحين
مسحراتي منقراتي
يا اهل المحبة والوداد
عارف إنكم صاحيين !!
مسحراتي منقراتي
طب ليه صمتكم
وانا عارف إنكم فاهمين
إن الجسد واحد
إذا اشتكى منه عضو
طب ليه القلوب جمدين
مسحراتي منقراتي
طب غزة ماهي من جسمكم
مطعونه بميت ١٠٠ سكين
ماهي قطعه من قلبكم
قولولي ليه ساكتين
تداعت عليكم أمم
ومن ادعاء ضعفكم
صرتم غثاء ومهين
مسحراتي منقراتي
مخنوق ودمعه سيل
ومع الكلام يبكي وصوته كله أنين
مسحراتي منقراتي
الدور عليكم جاي
أوعوا تعملوا نايمين
أصحوا وحدوا الدايم
دا مش كفاية الصيام
ولا إنتوا معذورين
مسحراتي منقراتي
خلص الكلام …
الدور عليكم جاي
تتمرمغوا في الطين
مسحراتي منقراتي
لازم ترجعوا وحده
وتصحّوا فيكوا للنصر كل يقين
وكفاية علمانية
مش نافعة يوم الدين
مسحراتي منقراتي
عشمانين في ديب ولئيم
إن كان شمال ولاحتى يمين
فكده بردوا موكوسين
مسحراتي منقراتي
هاقولها واجري على الله
مش نافع كلام تسكين
الدور عليكم جاي
ولو عملتوا مش سامعين
مسحراتي منقراتي
البُعدا مش ساكتين
عينيهم علينا .. مركزين
مش بس أرض التين
مسحراتي منقراتي
نايمين ودفيانين
طب بصوا علينا بعين
ولا بردوا مش عارفين
طب لجثثنا مش دفنين
خليها بيان للرجال
إن كنتوا نسيتوا حطين
مسحراتي منقراتي
حلمهم من الفرات للنيل
و دي بداية بفلسطين
أصحى يا نايم يا نايم أصحى
عيد يا تاريخ و احكي
عايزين صلاح الدين
أصحى يا نايم وحد الرحمن
رمضان كريم يا موحدين
مسحراتي منقراتي
مش هتعب من الكلام الزين
ولو قادر …..
مش قاعد مع القاعدين
كفانا تأجيل مع تسويف
سبحانه قال ما استطعتم
وبقدرته هوه المعين
نصرك في اسباب تؤمن بها بيقين
واقروا التاريخ وعيدوه
من بدر للقادسيه لنصر اجنادين
مسحراتي منقراتي
أصحى يا نايم يا نايم أصحى
أصحى يا نايم وحد الدايم
رمضان كريم
#مصطفى #عبدالرحيم #الفرا
ليست هناك تعليقات:
إرسال تعليق