( السايس )٥١٢
يا كابتن انت يا فارس
انا دراعك وانا الحارس
لو سرج حصانك فضه
حن بهدمه للسايس
بتأكل الحصان سكر
ولامره فيا بتفكر
وحنين دايماع حصانك
باكل حاف وفيه حايس
ولحصانك. انا بعلم
ومعاه تحاكي وتكلم
وانا واقف كده مبلم
وحلم لأبني ف مدارس
ع حصانك انا بخدم
وانا مكاني ولا اتقدم
وكأني ماشي ف مكاني
فارمني الفقر وهارس
ماتديني الدفا جرعه
وجرعه حب لو سلعه
ارفص واطير م الفرحه
حرماني للضلوع قارص
لجامي شده ع الاخر
مليش ف الفرح واتاخر
مسقطني من حساباتك
وترميني ف هلاك تارس
ايامي ف الشبه واحد
يوم مر وكتير جاحد
وبكره زي امبارح
و يناير شبه مارس
ياعم الشهم يافارس
شويه عدل للحارس
مبحبحها ع حصانك
وليه منشفها ع السايس
ليست هناك تعليقات:
إرسال تعليق