(..اترقصي..)٤٨١
هيصي واترقصي
وساعه الجد
انت . فين..!!
ونلاقيكي. متأسده
ومدروخه وبتفيصي
اكدبي. اواسكتي
هللي او. اخرصي
كل حاجه حلوه فيكي
عمرها يدوب لومضه
نعيش وتعايرينا بيها
وتفكرينا كتير ولمضه
وشاطره بس تأرصي
تكتبي ...وتشطبي
تمسحي كل الولاد
ولمحظوظينك تحرسي
خايبه . عايبه
مباح . وسايبه
كل كلمه ليكي شايكه
كل حاجه فيكي تايكه
ساعه ماجي اتغطي بيكي
هدمه مرقعه ودايبه
وتملكي لكل الوشوش
وش حلو. ولينا وش
وش لينا. كله غش
وش ياخد. كل خير
ووش. بيغمس بمش
وطالعه. نازله
وحاضنه. ناس.
ولغيرها. عازله
الغلابه ف الجحور
وف. جنانك...
غيرها. نازله
واطيه. خاطيه
ومضلله لناس بفرعك
وعندنا ونصيبنا. شاطيه
وبتندهي ونقول آمين
لجل تخدي. . باليمين
والشمال تديله عاطيه
وعلينا. جايا. وجانيا
ولا مره كنت علينا حانيا
خلاص مش باقي عليكي
لا مآمنك لو حتي ثانيه
وعارف انك ملكيش امان
ومتأكد انك ..دنيا فانيا
انا راح امشي
ومن غير سلام..
واروح وادور لدنيا تانيا
والله.كريم يغنينا. عنك
وبح. وخلص . الكلام
بقلمي/محمود عفيفي دومه
ليست هناك تعليقات:
إرسال تعليق