جرس انذار
كلماتى / عبدالناصر عياط
اسمعونى يا اولاد
اسمعونى يا بنات
اسمعونى يا كل أب
يا كل الأمهات
يا سامعنى فى كل مكان
باضرب جرسى عن الإدمان
الإدمان ده مصيبة كبيرة
بيقتل فينا الإنسان
بيضلم أنوار الدنيا
ويضيع أحلى الشبان
اوعى تجرب وإياك
تهرب للإدمان
مين هايعلى ويقدر
فى البنيان
مصر الغالية بتنده لينا
عايزة تضمنا فى الأحضان
أنا محتاجة سلاحكم فى ايدكم
أنا محتاجة اكون فى أمان
جرسى بدقه لكل زمان
أوعوا وتحاسبوا من الإدمان
أوعوا وتحاسبوا من الإدمان
وأنت يا أمى وأنت يا والدى
اعرفوا عنى - اسمعوا منى
ايه يخلينى أعيش متهنى
سيبكم بقى من الدنيا إياها
وفلوس طايرة بنتمناها
د احنا ولادكم من أكبادكم
احنا آمال هتلاقوا صداها
خير بيدوى فى كل مكان
بس نحاسب من الإدمان
ده بيقتل فينا الإنسان
ويضيع أحلى الشبان
ليست هناك تعليقات:
إرسال تعليق