يوم الوداع
سنين عدت
علي يوم الوداع
وضاع الحلم من ايدى
من إيدها
نزلت دموعنا أسي
حرقت خدودنا سوا
وفُرقة الأحباب ألم
ف ليله كساها
السواد
وكِتر فيها الضباب
وآه ياويلي من
الأحزان
وقلبي إنكوى بالنار
وليه يادنيا خونتيني
ومليتي قلبي جِراح
وليه الجِراح ماليه
سنيني
سهران الليل بنزف
دموع
والطريق صعب
مفهوش رجوع
ليه ياقلوب
ف الرحمه ملكيش
دا أنا مع حبيبتي
كُنت نفسي أعيش
وإتحملت كتير
م الألام
آه ياقلب كان
غالي
وآه ياحلم كنت
ف السما عالي
منور حياتي وبتلالي
و ليه يافرح ناسيني
وسايبني لحزن مبكى
عيني
بالله يا أحزاني إنسيني
إبعدي عني
نفسي تفرح عيني
ماخلاص........
الحلم ضاع
ف يوم الوداع
.....................
عاشق البنفسج
جلال محمد
مصر.... كفرالشيخ
2024/7/10
ليست هناك تعليقات:
إرسال تعليق