اتعلمت خلاص
......................
علمنى حبك ماتعلمش
وإن كفايه عليا علام
حبك كيميا
حبك فيزيا
حبك طب قلوب وغرام
..
علمنى حبك ماتكلمش
إلا بأسمك بس بأسمك
واول كلمه اقولها بحبك
وإن عنيكى حبى وعشقي
بغمزه تقولى احلى كلام
..
علمنى حبك
ان عنيا تفضل صاحيه
ولا ترمش
من كُتر جمالك ناسيه تنام
عين بتشوفك ما تغمضش
وعين بتضمك فى الاحلام
..
علمنى حبك
اصبر حبه
وما استعجلش
اسرح فى جمالك
ما تكلمش
واعشق اسمى
لما تقوله الحلوه شفايفك
تسحرنى عنيكى
تاخدنى معاكى
اعد خُطاكى
اطير فى سماكى
أهيم فى دلالك
ماتعصبشى
وانسى فى هواكى الأيام
..
علمني حبك
ماتعشمش
انى انساكى
او افوق من خمر هواكى
او بكره احبك
زى امبارح
انا حبى بيكبر وياكى
عالى زى النخل الطارح
ثابت ارض وعالى مقام
محمد وحيد
ليست هناك تعليقات:
إرسال تعليق