( دحدوح. )٥٧٧
صريح قولي والكلام مشروح
ياواد أثبت كما الدحدوح
داوي المك وليه ما تبوح
ولو هدك ...ولو شدك
وهديل الحمام بقي نوح
ولو قيد ف يوم يدك
تياره ماطوعه ولا تروح
وخلي عد الرجال عدك
ياولد اثبت كما الدحدوح
وازعق. خلي العالم يسمع
ولوصوتك ياولد منبوح
كفايه توصل الفكره
وتبني ف الرجولة صروح
تعيش دنيا مع ازمان
وف الذكري بطل ممدوح
يا ولدي أثبت كما الدحدوح
ودحدوح راح ينقل الصوره
وشاف ان الضمير مدبوح
من ارض جده وجداته
ونقل ان الامان مشبوح
وزار الغدر ورداته
وراح كبده وروح الروح
ابنه وبنته وحفيده
وحمزه ودمه ف وريده
وفؤاده م الفراق مجروح
ونادي ياغزه منصوره
ومين يسمع لصوت مشووح
عالم بيشوف بعين عوره
ومسك ف السما بيفوح
وراس مرفوعه مع أوره
وصامد البطل دحدوح
سلاحه وسط الدمار كاميرا
وصوره وكلمه وطنيه
لو غابت من السما القمره
لايرضي بظلم ولا دنيه
وكفاحه سفينه نوح
ولا يهمه حياه اوموت
ولا ف باله ولا مطروح
وامنيه يخرسوا للصوت
وسوق الكدابين مفتوح
ويتوه الحق ف الظلمات
وزور للجبان مسموح
لكن ابدا طريق الحق
ماشيه وعارف
ولاهايب
ولا خايف ..
اخوك... الجبل دحدوح
ليست هناك تعليقات:
إرسال تعليق