مش قادر اقول/د طارق النجدي مجلة روائع الشعر والنثر وفرسان الحرف

 مش قادر أقول 

مش قادرأقولك 

واحشانى ..

وانا وسط النار

ف ركام ودمار .

والدم ..المسك

يفوح م الارض

أجمل من عطرك يا حبيبة 

لو ُشفتِ الشهداء تتزاحم على باب الجنة 

فى الشجاعية  ورفح ..وجنين

مش قادر أقولك

يا حبيبتى ..

وحبيبتى ف حضنى انتاج روسي ..

دي كلاشينكوف

 

مش قادر أقولك 

واحشانى ..

واحشانى الجنة 

وطريقها ..

في تراب غزة 

شلال النار 

بركان الدم 

مش قادر اقولك 

امتى راح اعود 

من خط النار 

لازم آخد التار 

يمكن ف الجنة 

ح نتقابل 

بينا المواعيد 

...

والعيش والملح 

يا ولاد الخال يا ولاد العم ..

و دموع الطفل الحيرانة

بتشوف الموت يوماتى يفوت 

تسألنى دموعه

فين أهلي وناسى..

ايه أخرهم ..!؟

حفلة ف جدة وسباق فى دبي..!؟ 

بيقولوا يا حي 

التاني آهو جي .

ماتشات كورة يابن العورة ..!!

صهيونى وجيّ 

لوسيبت سلاح 

ح يعدى عليك

امتى ح تصحى 

وتقوللي اناجيّ 

شربة ميه !!..

طب شاش ..!!

طب قطن ..!!

او حتى كلام .

الكل نيام 

مسطولة يا أمة يا عربية 

يا غثاء السيل 

المسح الذري لأورامك ..

بيقول اليوم .

ما فيش غير بتر 

ح تعيشى ذليلة وحيرانة ..

و الموت أرحم 

من ورم المخ ..

محتاج توقيع ..

و موافقة اهل مريض الهم ..

اصل انا جراح 

مش شاعر هيمان ف بحور

بس محيرنى 

بمين نبدأ ..!؟

أمراء ..وملوك 

واللا الرؤساء  واللا المماليك .؟

إشعاع ذري .

بعدين البتر..

مش قادر أقولك ..

شئ تانى ..

ولا حتى سلام  

طبرق يونيو 2024