هدهد سليمان/د طارق النجدي مجلة روائع الشعر والنثر وفرسان الحرف

 هدهد سليمان 

________

يا هدهد سليمان 

هات النبأ..

عدى البحار فى آخر النهار 

نفس الأماكن 

فاكر سبأ ..

فى ناس 

ناس شايفة موتى 

وناس سامعة صوتى 

بتسمع آهاتى 

أنينى ف سكاتى 

وصلها ندايا 

بتضرب معايا 

فى صنعا و عدن ..

تسلم عليهم 

تبوس لى ايديهم 

قالوا لى ده حوتى وشيعى 

...عدوك ..!!؟

ضحكوا علينا 

ف آخر الزمن 

وأخويا اللى جنبى 

شايف وخايف 

جاء له الطرش 

بقى أخرس وأعمى 

وأشول وأحول

يقول خط أحمر 

 "سِرْتْ" البعيدة 

وانا أخته القريبة ..

حيطى فى حيطه 

يا ما كنت غيطه 

و شاف الهنا..

 زتونى و خيرى

و يرضى بغيري 

يهودي وصليبى 

اخويا ..حبيبى 

يا خيبة الزمن ..

يا هدهد سليمان 

روح اليمن ..

وسلّم عليها ..

حكيم اليمن 

أويس بن عامر

وقحطان جميعا 

قول يا حضرموت ..

ها قد حضر موتى ..

روحى بتطلع 

يا صاحب البيادة ..

شرف البيادة

بقى موضة ولت 

..!؟

ولحن الفراعنة 

ما لوش أي معنى 

بيطلع فى كورة 

أغانى وهتاف..!

بقت مصر..ليه 

بتسكت..تخاف

بتنسى الحبايب 

و راضية بموتى و ذلى ..ودمي 

قالوا شايلة همى ..!!

ماجايب لى "شاش" ..!!

ما بينى وبينها 

يدوب الرصيف 

مشغولة عنى

بسعر الرغيف 

يا سيدنا الحسين ..

قوم شوف ولادك ..

بقينا ضحية 

فى عيد الضحية ..

بقينا وليمة 

لكلب الصهاينة 

معاه الأمريكان. 

يا لازهر يا شيخنا ..

ما تنطق يا شيخنا..الجهاد الجهاد .

يا تخلع عمامتك 

وترجع بلدكم ..وتعمل موالد لسيدنا الإمام ..

إمامنا ...شهيدنا 

شوف عِدْ ..كام 

ما فيش حتى كلمة ..

صلاة اللى غابوا 

صلاة للى دابوا 

تحت التراب ..

نوبة شهيد ..

صلاة الشهيد ..

سامحناياشيخنا يا سيدنا..الإمام 

يا هدهد سليمان 

سيب الجزيرة الأسيرة العليلة .

و روح اليمن ..

ما تسمعشى 

كلمة ده سنى وده شيعى ..

دي أمة"محمد"

عليه الصلاة وخير السلام 

والاقصى أسيرك 

بينده عليكم 

كفاية خصام ..

كفاية نيام ..!!

إلى اللقاء فى 

"أمة غثاء السيل "

طبرق ..

يونيو  2024