(مات الكلام!!!)٥٦٩
البقاء لله... شهامه
ماتت مع ال مات
مع مروءه مع عزه
وعدوها مع الاموات
والدفنه ف حدود غزه
البقاء لله راحت نخوه
هي وبنتها اخوه
وضمير ميت ولا تأذي
ولا ودعها اي اخوات
ومقتصرين مفيش معزي
الدوام لله
وبعنا كل غالي رخيص
سبقناهم بقينا فطيس
وم الغلب السنان جزه
وقل الشوف ودغششنا
ولا بتشم نغششنا
وافعالنا م الواجب شاذه
واخدنا كل بكره ف كيس
سواد كاتم بلون غطيس
ونفسيه م الحدث حزه
دمار شامل وشبح للموت
ولا ميه ...ولارزه
واتحرم الطفل م الواحه
صحيح دنيا واباحه
وفقد الحضن والبزه
وعليهم قفلنا ابواب
والاسود م الحاصل شاب
وتربسنا بميت رزه
تركناهم معاهم الله
وجروحهم بالألم نزه
مفيش مره نقول لبيك
ولا مره الشهامه فذة
بقت عيشه ومش عيشين
بقت مره ومفيش لذه
ونجرع الهوان ف كاسات
و صبح الاهر لينا مزه
يا اهل العلم دلونا
وهجونا و.. ملونا
مش دول أهالينا ف غزه
والدوام لله
.......وخلص الكلام
ليست هناك تعليقات:
إرسال تعليق