( حول. )٥٨٣
كل عيون العالم عميت
كل قلوب العالم ماتت
كل ضمير للحق اتبدل
وحتي النخوه علينا مافاتت
يمكن ماتت.!!!..
...يمكن جبن الخوف كتفهم
يمكن عافت!!! .
.ولانهبها وغول لفلفهم
كل الحق لينا محقش
والإنصاف ودعنا ماحبش
ينطق ويقول حرف يمين
شاطر يكدب كدب محبش
احنا ف عالم وده عالم تاني
قوله ...الحق طمع واماني
اقتل دمر
هد وزمر.
وأغتال طفل تعيس من صغره
بس ده كان قلبه معمر
بحب ترابه وحب حيطانها
صوره مطبوعة جواه صانها
اغلي امانه جوه ف قلبه
حافظها شايلها جواه عانها
لكن العالم عينه محوله
نواحي الحق يبعد ولي
كلمه تطلع منه رمادي
مدهونه قهر وعهر وذله
كل اماني المقهور خايبه
وصبح العالم أحبال دايبه
صوتهم عالي بس نشاذ
عار وشنار بيزيد ف النيبه
وده ليهم اكبر انجاز
ولسه ولدنا صالب طوله
لسه قوله قوي ومفعوله
كاتم كل همومه ف صدره
وايده عاليه والقول قوله
والله بكره لتعمر دارك
وحيطه ف حيطك حبيبك جارك
ويعلي ادانك ف كل الدنيا
صاين قدرك وواخد تارك
يحميك يابني ويعلي ف شانك
والله فارقني النوم علشانك
ترفع رايه العزه ف غزه
ومترك.. يبقي غدا فدانك
......ويحميك يابني
ليست هناك تعليقات:
إرسال تعليق