(.روح.)=٢١٩
طب يله روح
وامشي
وارجع لأصلك الخاين
لا ليك ملكه
ولا باقي روح
بعد ال شايفه ومتعاين
بتبني م الأوهام صروح
وبتراوغ
وساهي
وفاكر انه مش باين
خد معاك كل الجروح
وعبي معاها... افعالك
لا هاعاتبك ولاكلمه ابوح
لاحافظ عهد ولاصاين
يبان وهمك بسرعه تروح
علي الخسه وتتعرف
ووهمك باني منه ضروح
وكل جميل عليك هاين
لاجواك صدق ولامطروح
ولاحتي يوم شاغل بالك
وهاوي صوت انين وجروح
وماشي تهد ف مداين
بتتغني بآلاهات والنوح
وده.طبعك وليه غاوي
والممنوع مع المسموح
بتتعايق. ... وتتزاين
والغدر انت بيه ممدوح
وكأنك زرعه ف جناين
ود طابعك ولابيه ممنوح
ومديون ليها ومش داين
ولوجاتلك سفينه نوح
هاتطلع.منها فوق جبلك
وتعاند لأعلي سفوح
ومطاوع لطموح خبلك
عنيد انت ومش لاين
ومش شايف
ان قدرك خلاص قرب
ووقت الحساب حاين
ليست هناك تعليقات:
إرسال تعليق