(الندابه )٢٢٧
وندابه وبالاجره
تشق الهدمه وتنوح
وبعد الليله ماتعدي
تاخد أجرتها وتروح
وتجهز ليوم تاني
يا تري بكره عليه هاتقول
تقول كان اصله وحداني
عايش يومه مع ليله
يتمني العمر من تاني
وتصرخ بصوت عالي يطول
وحياني وليه تجود
ده كان معدول مايوم حود
وكان كلامه يا ناس معقول
يقول الحلوه والزينه
وبينقي الكلام معسول
وتصوت تقول يا حرام
ده كان ساكت وكان سارح
وكل حلمه كان امبارح
ومش شايف خالص بكره
ولازرعه ف يوم طارح
واهو مشي وراح ولا
وتصوت وتقول يله
ماغيره راح ولا ادله
وتفقع واحد وحياني
وكأن واحده م العيله
وتقول ده كان عايش
ما شاف النوم ولا ليله
ولا م الشمس ضليله
ومين قالك ياندابه
تقولي السر بربابه
وتبقي فضيحه وجرسه
ومنك تعرفه الورثه
طب قولي ده كان
صحيح راجل
شهم ومايعرف العيبه
وكان مايعرفش يترقص
و حقاني وكمان خيبه
وينسب الفضل لصاحبه
واصيل وحافظ الغيبه
يا ست ما تشوفي شغلك
وخليكي في صميم عملك
ده انت شبعتي م التعديد
وتاه الفرح من أملك
ده انا سايب ليكي وصيه
وكمان فوقيها توصيه
حاسبوها وادوها نقوط
وقولوا لها المرحوم مبسوط
وبيقولك صحيح شكرا
ولما يجي يموت تاني
عايز شغلك يكون مظبوط
واه ياني..............
........واديني واحد حياني
٠
ليست هناك تعليقات:
إرسال تعليق