( المركب. )٢٢٣
وعشان مركب بلا قبطان
تخلي ركابها في حيره
توصل..... ازاي لبر امان
وهي عوجه وضريره
وهي ماشيه بتطوح
ولاعارفه تلاطم الأمواج
ولاعارفه بنفسها تروح
لو الموج علي او هاج
واهي مركب
وكام راكب
وناس شافوا انها مركب
بلاش نمشي نروح نركب
وبحر ملان بمراكب
وناس ماشيه وميه راكب
وناس راكبه ومركوبه
وناس عارفه ان معطوبه
وناس راكبه ومغميه
بعين والتانيه معصوبه
وناس في البحر تسوح
ياعم البحر علي مهلك
ده كل قصدها تروح
وقدرها انها راكبه
ومش حبه انها تنوح
ومركب عاطله ومخرومه
وصوتها ملالي وتلوح
صحيح الاسم للمركب
لكن في المشي بتكركب
وهي ف الأصل اشاشه
ولا راسيه ولاعايمه
ورغايه ووشاشه
وشراعها بيطوح
ومش عايمه ورواشه
وايه ذنب ال كان فوقها
لا باع نفسه ولا مغامر
لاشاف ستره ولا طوقها
ولا مجازف ولا مقامر
واهو راكب ولا باعها
ولا يعلم ايه أحوالها
كتيره هي اوجاعها
ولكن حاسس بضايعها
وراكب وسط بضيعها
هنا شوال من الفكه
ودي قفه وحاجات فكه
ولو جت الظروف دكه
تشوف شاري
تلاقي الكل بايعها
ماهي رخيصه
بضاعه مكانها تقفيصه
يدوب بايشه ومن حكه
وماينوبك الا كام عكه
لاهي طايله عنب الشام
وماتحصل بلح مكه
ومفيش قبطان
ولا حاكم ولا سلطان
بتتلكع.
.وشويه تلاقيها تتسكع
ولو راجعنا ترتيبنا
ياريتنا مشينا وماركبنا
وبتطوح
...وخلاص بشرق
وقربت ان انا اغرق
يارتني قولت مش راكب
و.آه..... عايز انا اروح
ليست هناك تعليقات:
إرسال تعليق