( سيجاره. )٢٣٢
وولاعه وسيجاره ودخانها
راح يسأل
مين باع العشره ومين خانها
وكل شويه كام تكه
بولاعته
تكنش الولاعه دي بتاعته
و متسلط عليه الدخان
يكون واحد باعته
وكام نفخه مع الأنفاس
وكام دخنه تضايق الناس
وهو اصله متضايق
ماهوش رايق
وأيده ع خده مش فايق
وحط همومه في سيجارته
ويولعها يشعللها ماهي في جيبه
وماتبعد عنه .ماهي. جارته
وكأن ده مش صدره ولا سيجارته
واحترت وماعارفله حل
وليه بايت ياواد صاحي
وخليت طعم يومك خل
وليه مصاحب ياواد.ليلك
وتحكيله ويحكيلك
طب هو عمل كده ليه
وليه مطفي لقناديلك
وليه هاينه الاسيه عليه
وشايف الدمعه في عيونه
ولحكايته كتير م المل
وولع تاني من تاني
ودخانه وولاعته
خلاص عرفوا انه وحداني
وعينه ماشافت النوم
وفكره تاه ومش راضي
تغمض عينه لوثانيه
وانا ال قاري لااورادي
وماشي ولافف الدنيا
اتوه واسرح في حكاياته
وسطوره ويا رواياته
اشوف الحيره جواهها
وغداره
ومد أيده لسيجاره
وتاني ولع
ودخانه ملازمني ..مأزمني
مصاحبني وغالبني ..وهازمني
وقوله .ياعم ارجع ماتدلع
ارميها ..سيجاره وخلصت
وبلاش تاني بقي..تولع
ليست هناك تعليقات:
إرسال تعليق