( الزعبوط )=٢١٧
ومين ياعروسه ربطك بخيوط
ومين يابنيه كتم صوتك
ومين لبس بعلك الزعبوط
ويطوح في يوم موتك
شوبش بيلم ليكي نقوط
تنوحي يقول الله
وسامع من هناك زغروط
ودمعه سبقاها ضحكه
وتايهه بين حياه اوموت
صحيح مربوطه من كفك
ووسطك كمان مربوط
يشد الخيط هايترقص
يلموكي تخشي تابوت
ولو عازو تصقفي تيجي
ولو عازو تترقصي تاني
تشدي الطرحه وتهيجي
وتغني باعلي صوت
وبسأل نفسي فين جوزك
انا ....اقصد اراجوزك
يشد اشنابه... ويعنجر
ويحلف ما يتلوي بوزك
وبشوفك وانت ع الخشبه
ولا بسه احمرات واصفر
وكل الخلق تتفرج
ساعتها يتكتم صوتي
لكن صوت السنان جزه
تهزي شمال.... كام هزه
تقع... تتهز... العزه
كسبتي بس للخيبه
وراحت وخسرتي الهيبه
ولون شعرك بقي رزه
تهزي يمين كمان مره
لسكاري تحش ف المزه
وكام كف بيصقف
وهيصه يابطه وياوزه
يحين موتك..
لا دمعه. ولا خلق....تتعزي
وآخرهم
..........يوقفوا طابور
في اول صف
.............في المعزي
ليست هناك تعليقات:
إرسال تعليق