زينة الحلوين ...
من بعد ما عليها برمت الدني ...
وكل الوسائل صرت فيها استعين ...
طلت قمر وقديش بحبها هني ...
نور الشمس من عيونها والجبين ...
نظراتها رفعتلي حرارتي للأربعين ...
وصاروا الأطباء يسألوني شو بني ...
وبالأدوية يداوني المساكين ...
قلتلهم لو بتبرمو كل الكائني ...
دوائي حبيبتي ومن دونها قلبي حزين ...
وبوجودها أنا مالك الكون وغني ...
بتمحي الحزن عن قلبي المسكين ...
لاتفتشوا ع دوا للحياه يردني ...
يضخ الدم بوريدي ويعطيني الحنين ...
كل القصة عيونها بتهدني ...
و دقيقه من نظراتها بتساوي سنين ...
بوجودها صرت شوف الحياة ملوني ...
من بعد ما كانت سودا باليقين ...
تاج على راسي وقدامها بنحني ...
لأغلى قمر زينة الحلوين ...
بقلمي
علي عبد الكريم قاووق
ليست هناك تعليقات:
إرسال تعليق