(.. هاتفرحي..٢..)=١٣٠
هو انتي ادمنت البكا
ساعه الفراق وساعه..... ا للوقا
اضحكي وحياه حياتك اضحكي
فكي... كل تجعيده...... مكرمشه
كل الخلايق
في الحب ليكي مدروشه
صلي. العشا
وادعي .....لربك يجبرك
ويجي عيدك
تغور غربان ساكنه الديار...... ومعششه
بس انتي ادعي في العشا
تخضر ارضك.. ورود.. وفل...... ومشمشه
تسرح جدورها توصل صدورها.
...ويابختها. !!
..تحسدها شجره اختها..
وتقول لها !!
..ازاي سكنتي الارض.. دي
. وكل طيورها.فيها مهبشه
طافيه.. فرحها
واكله. .طرحها.
حشا نجيلها........ مأششه
حاجبه عيونها
ومفيس.. جزر
اصل النظر ..!!..عليه غشاوه ...مغبشه
تميل الشجره علي اختها.......... وتقولها
دي ارض خير .....والخير مليها مريشه
وكلميني بهمس واطي
اخرك معايا الوشوشه
وانا شجره. .زيك
واكيد راح اطرح
واسعد ....وافرح
.ويهل......... خير
يودع في يوم. الكشكشه
انا بنت اصل
ومش رميه مهمشه
جذوري عريقه
ولا في كلامي مهوشه
ايوه ياامي
خلاص صليتي العشا
طب احلمي اتكلمي وعلمي
اصل الحبايب العشق ليكي محوشه
وعلي صوتك ده اي صوت
بعد صوتك غلوشه
يله اضحكي يلا .. بقي
اشتقت ليكي ولل. القا
.بس اضحكي مشتاق لكلمه ودردشه
زيحي م الوش..... الكرمشه
وصلي العشا
ولا انتي.... اتعودتي.... البكا
ساعه الفراق
وساعه مااشوفك .و اللوقا
ليست هناك تعليقات:
إرسال تعليق