نفسى أبطل أقول معلش
أنا وأنت وهو مننكرش
إنها تهدم مبترفعش
سامع آذان الفجر ينادى
قوم بقى صلى متكسلش
ياعم الدنيا ماطارتش
رايح على شغلى الصبحيه
متأخر وبراحتى شويه
والكل يقولى ماينفعش
أقول الدنيا ماطارتش
رايح الدرس ويا اصحابى
وانشغلوا بتأخيرى وغيابى
وبقول ببساطه مابنكرش
يا جماعه الدنيا ماطارتش
امتى هبطل أقول معلش
ودا بقى طبعى مبيتغيرش
لما أجور ع حقوق الغير
وأوقف عقلى وتفكير ى
وكلامى كله معلش
ياعم الدنيا ماطارتش
لما أقصر فى حقوق دينى
وغيرى ينصحنى ويوعينى
أقوله أكيد راح أتوب متخافش
ياعم الدنيا ماطارتش
لا دى الدنيا فى لحظه تطير
والعمر يعدى مايرجعش
امتى تفوق بقى م التقصير
إنوى واحرص ع التغيير
وبطل كلمة معلش
لازم نبطل نقول معلش
بقلمى / أم شريف
ليست هناك تعليقات:
إرسال تعليق