يا للا يا خلي /الشاعر منصور أبو قورة مجلة روائع الشعر والنثر وفرسان الحرف

 الشاعر : منصور أبوقورة

يا للا يا خلي .. !!

ياللا .. يا خلي ..

باللا نخللي ..

حياتنا .. تمللى 

شوية عليك ..

وشوية عليا 

تمشى الدنيا

بلاها قساوة 

بلاها  أسية

بلاش نتخاصم 

ونملا حياتنا ..

شوك وطلاسم

بالكلمة الحلوة ..

والملاغية 

وصفاء القلب 

وحسن النية 

وخضار الحب

والمدادية 

نداوى قلوبنا 

ونغزل توبنا 

بأجمل غنوة 

تكون .. وردية

يا للا يا خلي 

باللا .. نخللي 

حياتنا .  تمللي

شوية .. عليك ..

وشوية .. عليا

هى الدنيا ..

تمشى .. إزاااي ؟!

غير إنك تنسى ..

قساوتى .. معاك

وانا .. كمان ..

أكون .. نساااااى 

وبلاش .. نتعاتب ..

بينا .. ف يوم 

ولا تزرع قلبى 

شوك .. وهموم 

وانا .. كمان ..

اقول .. للوم 

2000 باى باااى 

يا للا يا خلي 

باللا نخللي ..

حياتنا .  تمللي 

شوية عليك ..

وشوية عليا

لسه الدنيا ..

قدامنا .. برااااح

ليه نتغابى ..

ونعمل فيها ..

أسود .. وديابة 

هو احنا ياصاحبى 

عايشنها ف غابة ؟!

ياللا نزرع ..

قلوبنا .. حبابة 

وحياتنا .. تبقى ..

سماح .. ف سمااااح 

دا  الليل  بطوله ..

أخره .. صباااااح