إلى أبطال غزة الصامدون
🇸🇩(غزة رمز الصمود)🇸🇩
غزه غزه غزه غزه
إنتي أشجع من تحدى
وإنتي أكتر من تأذى
ليكي في الدنياكرامه
ليكى في القلوب معزه
واقفه واحدك في شجاعه
واقفه رادعه بكل عزه
غزه غزه غزه غزه
🇸🇩🇸🇩🇸🇩
الضمير في الدنيامات
كله راضي بالسكات
والتعلب في بلادنا فات
واحنا جنبه زي وزة
غزه غزه غزةغزه
🇸🇩🇸🇩🇸🇩
لويموت كلب ف أوربا
أوفي أمريكا وروسيا
تبأه جريمه كبيره قاسيه
أما اللي بيحصل في غزه
شايفه الدنيا وعامله ناسيه
شيئ يخلي القلب يِدمي
حاجه فعلا مستفزه
غزه غزه غزه غزه
🇸🇩🇸🇩🇸🇩
الحصار شَد ضُلوعك
والأمل نّشف دموعك
وانتي مش راضيه بخضوعك
بالجلد صابرة وبارزه
غزه غزه غزه غزه
🇸🇩🇸🇩🇸🇩
غزه ياأم الرجوله
إنتي في الأمجاد بسوله
مهما يحاولو يكسروكي
انكسارك مش بسهوله
اصرارك حاجه مش معقوله
رغم القوات المهوله
مش راضيه تعطي الدنيه
ولاقابله تعيشي مذلوله
كلهم باعو القضيه
وانتي لا من اللحظه الأولى
صامدة تحت الطيارات
والدانات والدبابات
في الجهاد ليكي آيات
بالتصدي وبالمبارزه
غزه غزه غزه غزه
🇸🇩🇸🇩🇸🇩
غزة ياأم الشهيد
ياراعبه قلب العنيد
أصمدي هل من مزيد
للشهادة فيكي عيد
للكرامه فيكي لذه
غزه غزه غزه غزه
🇸🇩🇸🇩🇸🇩
ترامب نقل السفارة
في القدس ياميت خسارة
والعرب واقفين سكارا
ولا حد إتهز هَزه
غزه غزه غزه غزه
🇸🇩🇸🇩🇸🇩
بُكره عُمر الفاروق
هيجيلك وييا صلاح
وجروحك تاني تطيب
وتشوفي أحلى صباح
الشهيد في جنة ربه
والباغى في نار تلظى
غزه غزه غزه غزه
🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩🇸🇩
كلمات
شاعر الإحساس
رضا عبد الحميد
١٠/ ١١ /٢٠١٨
ليست هناك تعليقات:
إرسال تعليق