علمونا أهالينا اللى ماتوا
كلمات / عبدالناصر عياط - مصر -اسيوط
* علمونا أهالينا اللى ماتوا
يعنى أيه معنى الوفا
* يعنى أيه الحب يبقى
يعنى أيه هو الصفا
* علمونا إزاى نحب
ونفتح للخير الببان
* إن يبقى الأخ حضن
نحس جواه بالأمان
* إننا لازم نسامح
وينتشر بينا الحنان
* ربوا فينا الإنسانية
عودونا الإحترام
* قالوا الخير ياولادنا
زرعة ليكم على الدوام
* علمونا نعيش حبايب
مهما كانت الظروف
* فهمونا اليد واحدة
نتحد على أى خوف
٠٠٠٠٠٠٠٠٠٠٠٠٠٠٠٠٠٠٠
بنعاهدكم من قلوبنا
* الوفا والود يبقى بين ولادكم
حتى فى الأحفاد كمان
* إستحالة الفرقة تحصل
مهما دار بينا الزمان
* يارب ندعوك من قلوبنا
ما يفرقنا المكان
* مهما رحنا ولا جينا
أو حتى جارالزمان
من اجل الحفاظ على العلاقات الطيبة وصلة الأرحام بين أفراد العائلة الواحدة ابدأوا صفحة جديدة مع اخوتكم واخواتكم واهليكم ولا تنسوا الفضل بينكم ادام الله المحبة والمودة بين الجميع
كلمات / عبدالناصر عياط
ليست هناك تعليقات:
إرسال تعليق