صوره شعريه ...
( من وحي عمنا صلاح جاهين )
ولكن تنطبق علي الواقع
فلوسنا مابقاش لها قيمه
و بتخلص يا دوب
من اول يوم
ولو شاطر تكمل
لنص الشهر
المعايش بقت عايزه
مغارة علي بابا
وافتح يا سمسم
وتهبر من الفلوس هبر
و مصيبه لو ابن عريس
وهاتجهز شقه
وهاتدفع مهر
قله عايشه بتتنعم
ناس بتدفع
١٠٠ مليون ... !!
في حته فيلا
في الساحل
وبنبني في مدن جديده
الشقه بملايين
والناس بتعاني
تحت خط الفقر
وغلبان عايش
يادوب في عشه
وبيموت كل يوم م القهر
و ناس موش لاقيه حتي
تتدفن في حتة قبر
احمد المرشدي
18 أغسطس 2022
ليست هناك تعليقات:
إرسال تعليق