*نداء لكل العالم*
......................
سايق عليكوا النبى
فضوا الخلاف بينكوا
إن عربى أو اجنبى
ومهما كان دينكوا
بوتين وكيم الصبى
وكل اللى عارفنكوا
ولو حد بينكم غبى
سامحوه ابوس ايدكوا
بقلب طيب اوى
شيلت الهموم عنكوا
غلوا عليا البصل
والرز والصلصة
وعشان بناتكم عسل
والنيه مش خالصه
دفعت تمن حربكوا
بااسعار بقت هايصه
خسرت نص المثل
وشربت انا الليصه
سايق عليكوا النبى
والاوليه فى طنطا
وكل شيخ مغربى
مشهور كده اونطا
صفوا الخلاف بينكوا
انا الوحيد فى الكون
بدفع تمن حربكوا
وبسد الديون عنكوا
*محمد وحيد*
ليست هناك تعليقات:
إرسال تعليق