*ياخلق ياهوه*
.........................
مين يقرا ومين يسمع
وغيرهم شايل الطين
بطلقتين من مدفع
وقنبله وصاروخين
انا اللى حاسب وادفع
وماليا طور وطحين
بوتين هجم واتسرع
وكان معاه الصين
اوكرانيا بيت واتصدع
والناتو غض العين
وكلام كتير اتفرع
بقى حرب بين بلدين
العالم قعد واتربع
حدد مصالحه فين
وانا لسه كنت بابضع
واستلف قرشين
منحوس نحس ولا اروع
عايش على التموين
اقوم أنا اللى اتبرع
وتغلا الحياه ضعفين
اشيل الهموم واتجرع
وحياتى تصبح طين
يضربوا وانا اللى اتوجع
والقمح اجيبوا منين
ياكلوا وانا اللى اكرع
وادفع حسابهم دين
ياخلق ياهوه لو ينفع
الطم على الخدين
*محمد وحيد*
ليست هناك تعليقات:
إرسال تعليق