*يمكن بكرا*
........................
تعبنا وشيلنا كتير وزهقنا
وكل تعابنا راح ببلاش
واحنا طموحنا قليل وصغنن
لقمه وضحكه ومتر قماش
هدمه تستر مش هاتدفى
رضينا بالهم ...
مانتعراش
يمكن بكرا..
اه من بكرا
جايز بكرا علينا اتحاش
جدى حكلنا جده حكاله
بكرا بتاعهم برده ماجاش
بس قالولنا كتر خيرهم
وفر طقه ماتتعشاش
وعشان تبنى لبكرا الغايب
عيش فى الفقر ماتتغداش
افطر فولك واصلب طولك
صبر نفسك ولا تعياش
انت مالكش حد يغيتك
لا ف مستشفى ولا إنعاش
وفيلم حياتنا يعدى ف لحظه
احنا ياصاحبى حياتنا فلاش
*محمد وحيد*
ليست هناك تعليقات:
إرسال تعليق