من دفتر أشعاري...
( قربي )
قربي ...قربي
من حبي ليه بتهربي ؟
حتي لو سرقني عمري
أنا قلبي لسه مازال صبي
اعمل ايه؟ أنا قلبي هواكي
وانجذب لك...
وهام بروحك واشتهاكي
زى مايكون روحه تايهه
وابتسم له الزمان ولقاكي
قربي ... قربي
من حسن حظك... ورضا ربك
اللي حبك قلب شاعر
قلبه جنة من الحنان
ونهر فايض بالمحبة
ونبع صافي للمشاعر
قربي مني ..قربي
ومن نهر حبي اشربي
ده أنا ليل نهار مشتاق اليكى
وانتي منايا ومطالب
قربي ...قربي
أنا عارف في حاجات
تحول مابينا...
وأنت خايفه من كلام قالوا ..وقلنا ...
ياما حكمنا في حياتنا كتير
عقولنا....
وف النهاية ماجنينا غير ندمنا
عمر احساس المشاعر والعواطف...
مايخصع لمنطق أو لحكمة
في كلامنا ..
واحنا جينا الدنيا ..
مانعرف إيه مصيرنا
ونصيبنا في اي شئ ...
في الحياة...
انكتب وحسمه قدرنا
شعر/جمال عبد الله عبد العال
ليست هناك تعليقات:
إرسال تعليق