*امى*
إلى امى وكل ام رحلت
وادفنت
جوه القلب ونن العين
.........
يااما ياغيبه وفى عينى
وحشتينى ياأمى
وحشتينى
بحبك يا عمرى... وسنينى
مشيتى ياأمى
وسبتينى
قوليلى ياما.
روحتى منى فين
أنا ياما.... مليش غيرك
وصعبة الدنيا
من غيرك
قلبى بيبكى...
ويدعيلك
قلبى ياما......
قبل العين
عنيا.........كحلها صورتك
إيديا........نبضها سيرتك
وروحى ..رهن لإشارتك
ياحضن دافى
وقلب صافى
رضاكى شرع
رضاكى دين
سامع صوتك.... .بيندهلى
ياكل عزوتى..........وأهلى
انتى بس اللى تستاهلى
أجيلك......
أرمى نفسى تحت رجلك
ابوسهم والادين لتنين
وحشنى..أسمى على لسانك
وحشنى فرحك وأحزانك
وضحكتك.
أنتى وجيرانك
ياما.... أنتى اللى زيك مين
وحشتينى..
وحشتينى بجد
ماليش ياما........
بعدك حد
تشهد عليا..
الدموع والخد
دموع شقت..
عالخدود بحرين
بيقولوا أصبر يامه
وأنساكى
ازاى ...ازاى
وانا.. اللى جوايا جواكى
وروحى عايشه بهواكى
ياساكنة القلب
ياننى العين
ليست هناك تعليقات:
إرسال تعليق