اشكي لمين
**********
ولمين تكون شكوتي
واحكي وجعتي لمين
لما تكون الآاااااااااه
من اقرب الغالين
عمر الجراح يتحسب
بالثانية مش بسنين
اذاى قدرت وهان عليك
القسوة ليه بعد الحنين
اذاى قدرت تبيع زمان
وتهون سنين
الحلم فين....؟
اللمة فين.....؟
والضحكة صافية
والغلاوة ف نظرتين
طفيت شموع
كان نورها آيد الادين
والادين حاضنة الادين
إذاى قدرت تبيع نهار
وتخلى بدر الليل سجين
آااااااه يا جرحى
فى يوم فرحى
وغُنى الناى الحزين
كان ف رضاك رضاي
وفى زعلك شقاي
دلوقتى خصامك
ماسهر جفن ولابكى عين
خلاص ف بعدك
حنمحى العمر بكلمتين
............منى حسين........
ليست هناك تعليقات:
إرسال تعليق